細個鍾意砌模型，當年第一隻高達模型係W入面嘅重砲手高達。
(仲要係而家絕咗版、有眼珠嘅元祖SD高達，年紀夠大應該會知……)
由無到有再拎上手玩，咁又過咗一個下晝。
時代轉變，大家冇時間再用幾個鐘頭坐定定砌模型，電視播高達又冇乜心機睇，
連打鋪高達game都覺得要用好多時間。
唔怪得望下依家嘅細路玩緊乜嘅時候，九成都係PND或者神魔。
所以，當我知道有個巴打二十歲出頭就創業，仲要係搞模型鋪頭 Hero模型工作室，
嗰份勇氣同熱血，響起返我腦入面好耐冇響過嘅newtype閃電聲。
馬沙話過，地球人畀重力束縛住靈魂。
雖然我哋仲未去到全民上宇宙解放自己精神嘅時代，
但係面對當下比重力更束縛自己嘅世界，
依份解放自己、對抗舊世界嘅勇氣，可貴過拎返盒元祖SD高達出嚟炒。
多謝黎特幫我地工作室畫左幅漫畫做下年既宣傳單張，又靚又搞笑，希望下年有認識我地個工作室同黎特啦，黎特多謝您♥
Search